Sonte me fillim nga ora 21:00 stadiumi “Veltins Arena” në Gelsenkirchen do të jetë nikoqir i ndeshjes interesante të Euro 2024 mes Gjeorgjisë dhe Portugalisë.

Portugalia veçse ka siguruar një vend në raundin e 16-të të Kampionatit Evropian Euro 2024, ndërsa për Gjeorgjinë gjasat janë shumë të pakta, raporton KosovaPress.

Në xhiron e fundit të zhvilluar, Portugalia e mposhti 3:0 Turqinë, kurse Gjeorgjia barazoi 1:1 me Republikën e Çekisë.

Momentalisht, Portugalia zë vendin e parë në Grupin F me gjashtë pikë, krahas Gjeorgjisë që renditet e fundit me një pikë.

Të dy kombëtaret janë përballur vetëm një herë mes vete në muajin maj të vitit 2008, ku asokohe Portugalia mposhti 2:0 Gjeorgjinë.

Sa i përket ndeshjes së sotme, formacionet e mundshme i gjeni më poshtë.

Gjeorgjia (3-4-2-1): Mamardashvili; Kverkveliya, Kashia, Dvali; Kakabadze, Mekvabishvili, Kochorashvili, Tsitaishvili; Davitashvili, Kvaratskhelia; Mikautadze

Portugalia (4-2-3-1): Costa; Semedo, A Silva, Dias, Cancelo; Neves, Palhinha; B Silva, Fernandes, Felix; Ronaldo