Eshtrat e dy fëmijëve u gjetën më 11 gusht në valixhe të përdorura të blera nga një magazinë në Auckland, Zelanda e Re.

Kufomat me siguri kishin qenë aty për vite me radhë dhe ishin fëmijë nga mosha pesë deri në dhjetë vjeç. Trupat ishin në dy valixhe me përmasa identike.

Disa fqinjë thanë se ndjenin një erë të keqe. Njëri prej tyre, një ish-punëtor në krematorium, tha se era mund të dallohej menjëherë.

Hetimi do të jetë kompleks për shkak të kohës që kaloi midis vdekjes dhe zbulimit.

Një familje bleu një rimorkio të tërë të ngarkuar me artikuj që shiten me shumicë në magazinë, duke përfshirë edhe valixhe.

Familja nuk ka asnjë lidhje me vrasjen, theksoi policia. Magazina dhe e gjithë pasuria janë ekzaminuar në detaje nga ekspertët e mjekësisë ligjore.

Guardian shkruan se një grua që besohet të jetë një anëtar i familjes ndodhet në Korenë e Jugut. Gruaja, një zelandeze e lindur në Kore, mbërriti në Korenë e Jugut në vitin 2018 dhe nuk është raportuar të jetë larguar që atëherë, tha një zyrtar i policisë.

Ai shtoi se ajo mund të jetë nëna e fëmijëve duke pasur parasysh adresën dhe moshën e saj të mëparshme.

Transmetuesi kombëtar i Koresë së Jugut KBS raportoi se Interpoli i kishte kërkuar policisë që të gjente gruan.

Policia e Zelandës së Re nuk dëshiron ende të konfirmojë nëse ka kontaktuar policinë në Kore, por më herët ka konfirmuar se janë duke bashkëpunuar me Interpolin.

• 

• 

•