Kandidati për deputet nga radhët e Partisë Demokratike të Kosovës (PDK) Enver Hoxhaj, ka shprehur entuziazmin e tij pas një tubimi me mbështetës në Vraniq të Suharekës.

Në një postim në rrjetet sociale, Hoxhaj vlerësoi pjesëmarrjen dhe përkrahjen e qytetarëve, duke e cilësuar Vraniqin si një pikë të rëndësishme të fitores së PDK-së në zgjedhjet e ardhshme.

Ky postim vjen në kuadër të takimeve intensive që Hoxhaj po i zhvillon në prag të zgjedhjeve, duke shprehur bindjen se 9 shkurti do të shënojë një fitore historike për PDK-në.