Bayern Munich ka siguruar një kualifikim dramatik për në gjysmëfinale të Champions League pas një fitoreje të çmendur 4-3 ndaj Real Madridit, duke mbyllur gjithçka me agregat 6-4.

Pjesa e dytë ishte një kaos i vërtetë që nisi me kartonin e kuq të Arda Guler dhe vazhdoi me tension të lartë ku edhe Camavinga u përjashtua pas dy kartonëve të verdhë. Kur ndeshja ishte barazim 3-3 falë golit të Luis Diaz në minutën e 86-të, Michael Olise vulosi fitoren në minutën e 90-të pas një asistimi nga Harry Kane, duke përmbysur përfundimisht "Mbretërit" që luajtën me 9 lojtarë në fundin e takimit.

Në "Emirates", Arsenali ka arritur të kualifikohet tutje me shumë vuajtje pas një barazimi pa gola 0-0 ndaj Sporting CP, duke mbrojtur me sukses fitoren 1-0 nga ndeshja e parë (agregati 1-0). Edhe pse pjesa e dytë pa raste të shumta, përfshirë një shtyllë nga Leandro Trossard dhe një mundësi të artë në sekondat e fundit nga Joao Simoes që për pak sa nuk e dërgoi ndeshjen në vazhdime, ekipi i Mikel Artetas ia doli të mbante portën e paprekur. Ky kualifikim i dërgon "Topçinjtë" në gjysmëfinale për të dytin vit radhazi, në një natë ku mbrojtja dhe fati ishin në anën e tyre.

KosovaPress