Lajm i hidhur për Liverpoolin dhe kombëtaren e Francës, pasi sulmuesi Hugo Ekitike ka pësuar një lëndim të rëndë në tendinën e Akilit gjatë ndeshjes së Champions League kundër PSG-së.

Sipas raportimeve nga Sky Sports, skanimet mjekësore kanë konfirmuar këputjen e tendinës, gjë që do ta mbajë 23-vjeçarin jashtë fushave për të paktën gjashtë deri në nëntë muaj. Ky lëndim i jep fund parakohe sezonit të tij me "Reds" dhe ia shuan ëndrrën për të marrë pjesë në Botërorin e kësaj vere.

"Ky lëndim është një goditje e madhe për të, natyrisht, por edhe për ekipin e Francës. Zhgënjimi i tij është i madh, por jam i bindur se Hugo do ta rikthejë formën e tij më të mirë," deklaroi Deschamps.