Edhe 4 të arrestuar të tjerë për të shtënat me armë zjarri në Pastasellë të Rahovecit
Siguri
Lexohet për: 1 min.
2 muaj më parë
Linku u kopjua

Në vazhdën e hetimeve mbi të shtënat me armë zjarri gjatë një ahengu familjar më 30 korrik 2024 në Pastasellë të Rahovecit, Policia e Kosovës ka identifikuar dhe arrestuar edhe katër persona.

Fillimisht, policia pas disa të shtënave me armë zjarri gjatë një ahengu familjar, nga i dyshuari mashkull kosovar kishte konfiskuar një pistoletë me 12 copë fishekë dhe 7 gëzhoja.

Ndërkohë nga katër personat e arrestuar sot janë sekuestruar një armë zjarri e gjatë automatike, tri armë zjarri të llojit pistoletë, pesë karikatorë, 22 copë fishekë dhe 31 gëzhoja.

Veprimet hetimore janë ndërmarrë në koordinim me prokurorin e shtetit, me vendimin e të cilit është iniciuar rast “mbajtja në pronësi, kontroll ose posedim të paautorizuar të armëve dhe përdorim i armës apo mjetit te rrezikshëm”. Rasti do të trajtohet në procedurë të rregullt.

Ndryshe, përdorimi i armëve në festa dhe ahengje është i ndaluar dhe sanksionohet me ligj.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024