Tri ditë pasi e kishte shkelur urdhrin mbrojtës duke e larguar nga trupi byzylykun elektronik dhe gjurmuesin GPS, policia e kapi mashkullin e dyshuar në Prishtinë.

I kërkuari e kishte larguar pajisjen të enjten, një javë pasi ajo i ishte vendosur lidhur me një rast të dhunës në familje.

Me vendim të prokurorit i dyshuari është dërguar në mbajtje për 48 orë.

Ndërkohë, një rast i ri i dhunës në familje, është regjistruar në rajonin e kryeqytetit.

Është arrestuar i dyshuari mashkull pasi që i njëjti dyshohet se ka kryer veprën e lartcekur ndaj viktimës femër kosovare. Palët janë shoqëruar në stacionin policor dhe pas intervistimit me vendim të prokurorit rasti vazhdon te trajtohet ne gjendje të lirë.