Policia e Kosovës ka tentuar të ndalojë një veturë për të cilën kishte informacione se dyshohej për përfshirje në shitje të substancave narkotike, por e njëjta nuk është ndalur dhe ka goditur veturën zyrtare të Policisë, duke vazhduar lëvizjen.

Rasti ka ndodhur dje në Lipjan, ku pas një kohe, Policia ka arritur ta ndalojë veturën e dyshuar të llojit Mercedes ngjyrë hiri me targa lokale, në të cilën gjendeshin dy persona të cilët janë arrestuar nga Policia e Kosovës.

Me vendim të prokurorit, pas intervistimit, njëri nga të arrestuarit është liruar në procedurë të rregullt në cilësinë e dëshmitarit, ndërsa personi tjetër, në cilësinë e të dyshuarit, është dërguar në mbajtje për 48 orë.