Dy viktima nga moti i keq në Shqipëri
Lexohet për: 2 min.
shqiperi
2 vite më parë
Linku u kopjua

Për pak orë pjesë të ndryshme të Shqipërisë u goditën nga një mot i keq, me reshje shiu dhe shkarkime elektrike.

Rrufetë kanë shkaktuar dëme duke djegur dy banesa. Një në Razëm të Shkodrës por vetëm më dëme materiale dhe shtëpia tjetër që është goditur nga rrufeja është në fshatin Dedaj të Shkrelit.

Në njërën banesë ndodhej edhe 51-vjeçari A. I. që ka pësuar lëndime dhe djegie në trup nga rrufeja dhe flakët. Ai është transportuar në spitalin e Shkodrës por atje ka ndërruar jetë.

Viktima e dytë këtë të enjte u gjet në ujërat pranë portit të Vlorës. Ai është një 74-vjeçar dhe ende nuk është zbuluar arsyeja se përse i moshuari ishte rrëmbyer nga dallgët e detit. Trupi i tij është nxjerrë nga policia kufitare e Vlorës.

Moti i keq me shtrëngata ka goditur edhe pjesë të tjera të vendit. Lumi Lana në Tiranë ka vërshuar, ku në pak minuta ra një sasi shumë e madhe shiu.

Sinoptikanët lajmëruan se sasia e reshjeve ishte sa gjysma e atyre të një muaji të tërë. Ndërkohë zonat më të goditura nga stuhia janë ato që ndodhen ne mes të lumenjve Mat dhe Osum.

Epiqendra e rrebesheve është zona Krujë-Tiranë-Elbasan-Gramsh ku ranë deri në 50 milimetra shi. Në mbrëmje moti i keq zhvendoset në Berat e Gjirokastër ndërsa të premten dhe në fundjavë rikthehen ditët me diell./topcannel/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025