Dy persona humbën jetën të shtunën kur një aeroplan i vogël u rrëzua në një zonë banimi të qytetit jugperëndimor të Limburgerhof, raportuan mediat lokale.

“Bazuar në hetimin e deritanishëm, dy personat që ndodheshin në aeroplan u vranë në aksident. Aktualisht nuk ka raportime për banorë të lënduar”, tha zëdhënësi i policisë Thorsten Mischler, shkruan AA, përcjell KosovaPress.

Megjithatë, sipas transmetuesit publik SWR, të paktën një person tjetër u plagos.

Me sa duket, avioni shpërtheu në ajër rreth orës 11:30 të mëngjesit sipas orës lokale (09:30 GMT) mbi një zonë banimi në periferi të qytetit, tha SWR.

Dëshmitarët okularë raportuan se aeroplani kishte goditur një shtëpi. Sipas policisë, mbeturinat ranë në tokë "mbi një zonë të gjerë rreth vendit të rrëzimit".

Raportohet se një numër i madh i policisë dhe ndihmësve të emergjencës ndodhen në vendngjarje.

“Vendi i rrëzimit është rrethuar në një zonë të gjerë”, tha zëdhënësi i policisë.

Hetimi për shkakun e rrëzimit është duke vazhduar. Një helikopter policie filloi të bënte fotografi ajrore në mesditë.