Në Gjykatën Speciale në Hagë po vazhdon procesi gjyqësor kundër ish-pjesëtarit të Ushtrisë Çlirimtare të Kosovës, Pjetër Shala, me dëgjimin e dy dëshmitareve të thirrura nga avokati i viktimave. Psikolog Karin Dune-Prinsen dhe psikiater Cajenn Lozano Parra nga Instituti Holandez për të Drejtat e Njeriut dhe Vlerësim Mjekësor po dëshmojnë për dëmin fizik dhe psikik që sipas tyre ka pësuar një prej viktimave të pretenduara në këtë çështje.
Në seancë publike ekspertet nga Instituut voor Mensenrechten en Medisch Onderzoek po intervistohen nga mbrojtësi i viktimave, i cili në fillim të seancës i pyeti ato rreth punës që bëjnë.
Ato kanë thënë e janë autore të një raporti që i është paraqitur turpit gjykues në këtë çështje gjyqësore.
Ato kanë pohuar se u është kërkuar të bëjnë një ekzaminim mjekoligjor për një person, të cilit në këtë seancë i janë referuar me TW401. Për të njëjtin, ato kanë thënë se e kanë përgatitur një raport.
Lajmi i plotë është në sistemin me parapagim.
Paraqitja e provave nga mbrojtësi i viktimave vjen pasi Zyra e Prokurorit të Specializuar e ka përfunduar çështjen e saj.
Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.
