KFF Dukagjini ka arritur të mbrojë me sukses trofeun e Kupës së Kosovës në konkurrencën e vajzave, pas një finaleje dramatike kundër KFV Prishtinës në Hajvali.

Ndeshja nisi vrullshëm për klinaset me golin e Olsa Kuçit në minutën e 4-të, por kryeqytetaset u rikthyen në lojë përmes Rreze Gashit, e cila barazoi shifrat në 1:1 pak para fundit të kohës së rregullt. Pavarësisht rasteve të shumta dhe goditjeve të shtyllave gjatë vazhdimeve prej 30 minutash, fituesi u përcaktua vetëm pas ekzekutimit të penalltive.

Në lotarinë e penalltive, futbollistet e Dukagjinit u treguan më gjakftohta duke triumfuar me rezultat 5:4, çka ndezi festën në kampin e tyre. Ky sukses rikonfirmon dominimin e skuadrës nga Klina në këtë garë, ndërsa paraqitja dinjitoze e KFV Prishtinës dëshmoi rritjen e vazhdueshme të cilësisë në futbollin e vajzave.

Përgëzime u shpërndanë për të dyja taborët për rivalitetin korrekt dhe luftën sportive të treguar deri në sekondën e fundit të këtij takimi prestigjioz.

KosovaPress