Në kuadër të javës së 28-të të Superligës së Kosovës, Prishtina do të përballet me Dukagjinin, në një ndeshje që pritet të ketë rëndësi të madhe për renditjen tabelare. Takimi zhvillohet sot nga ora 16:00.

Prishtina aktualisht renditet në pozitën e katërt me 42 pikë nga 27 ndeshje të zhvilluara, duke regjistruar 12 fitore, 6 barazime dhe 9 humbje, me golaverazh 42:38. Bardhekaltrit synojnë të rikthehen te rezultatet pozitive pas një forme të luhatshme në ndeshjet e fundit, ku kanë alternuar fitoret me humbjet dhe barazimet.

Në anën tjetër, Dukagjini pozicionohet në vendin e gjashtë me 34 pikë, gjithashtu nga 27 ndeshje. Skuadra nga Klina ka regjistruar 8 fitore, 10 barazime dhe 9 humbje, me golaverazh 30:28. Forma e fundit e Dukagjinit nuk është bindëse, me disa rezultate negative radhazi, çka e bën këtë përballje edhe më të rëndësishme për të shmangur rënien në tabelë.

Ky duel pritet të jetë i balancuar, me të dyja skuadrat që kërkojnë pikë të vlefshme për objektivat e tyre në fazën përfundimtare të kampionatit.

KosovaPress