Borussia Dortmund pësoi një tjetër humbje në Bundesligë, pasi u mposht me rezultat 2:0 në ndeshjen e xhiros së 22-të.

Pas humbjes në shtëpi nga Stuttgart (1:2), tani skuadra nga Dortmund është mposhtur në udhëtim nga Bochum, e cila deri më tash renditej e fundit në tabelë.

Golat u shënuan në pjesën e parë përmes futbollistit grek Giorgos Masouras në minutat 33 dhe 35.

Në ndeshjen e radhës, Bochum ruajti epërsinë me dy gola, duke shënuar fitoren e tretë të sezonit.

Në ndeshjet e tjera Stuttgart pësoi nga Wolfsburg 1:2 (Woltemade 72 / Tomas 77, Amoura 87 nga penallti)a, Union Berlin po ashtu pësoi si vendës nga Borussia Mönchengladbach 1:2 (Iliq 63 nga penalltia/ Ulrich 10, Kleindienst 26).

Edhe St. Pauli pësoi si vendës nga skuadra Freiburg 0:1 me autogolin e Philipp Treu një minutë para përfundimit të ndeshjes. Mysafirët mund të kishin shënuar edhe më herët, por në fund të pjesës së parë italiani Vincenzo Grifo humbi një penallti.

Sonte do të luhet derbi i madh Bayer Leverkusen-Bayern, dy skuadrat kryesore në renditje. Tri ndeshjet e fundit të kësaj xhiroje zhvillohen nesër: Werder – Hoffenheim, Eintracht – Holstein Kiel dhe Heidenheim – Mainz.