Është mbajtur ceremonia e dorëzim-pranimit të donacionit të CT-së për Klinikën e Radiologjisë, investim ky që kap vlerën afër 500 mijë euro e që do të ketë ndikim në diagnostifikimin në rastet urgjente.

Ministri i Shëndetësisë, Arben Vitia këtë ditë e ka vlerësuar të rëndësishme për shëndetësinë në vend dhe shtoi se pacientët do të marrin shërbime të sigurta përmes teknologjisë më të avancuar në fushën e radiologjisë.

I pranishëm në këtë ceremoni ishte edhe ambasadori amerikan, Jeffrey Hovenier, i cili po ashtu ka treguar rëndësinë e këtij donacioni.