Kompania e David Beckham do të prodhojë një dokumentar në lidhje me rritjen e pronarëve miliarderë në Premier Ligë, për “Paramount +”.

Pronarët e klubeve të futbollit kanë vazhduar ngritjen e tyre drejt majave më të larta në dy dekadat e fundit, falë rritjes së miliarderëve që janë në krye të klubeve të nivelit të lartë.

Chelsea dhe Manchester City janë shembujt më të mirë të përfitimit të ekipit nga pronarët e tyre super të pasur, dhe marrja e “Bluve” nga Roman Abramovich ishte me të vërtetë fillimi i kësaj epoke.

Rusi e bleu klubin londinez në vitin 2003, kur ata ishin në prag të problemeve financiare, dhe ata kurrë nuk u kthyen prapa, duke fituar titullin e tyre të parë në Premier Ligë vetëm dy vite më vonë.

Tani kompania e prodhimit të Beckham “Studio 99” do të prodhojë një dokumentar me katër pjesë për periudhën midis 2000 dhe 2010, kur Abramovich e bëri klubin e tij në një superfuqi, përpara se City të blihej pesë vite më vonë.

Dokumentari, ka titullin "The Premiership: Rise of the Billionaires", dhe do të shfaqet në “Paramount +”, pasi shërbimi i abonimit vjen në Britaninë e Madhe në këtë javë.