Në shtatorin e vitit të kaluar, Kosova fitoi të drejtën e organizimit të Lojërave Mesdhetare në vitin 2030, Kjo është njëra nga ngjarjet më të mëdha sportive e cila kërkon edhe investime të mëdha infrastrukturore, por në këtë drejtim ende nuk ka lëvizje konkrete në teren.

Federatat sportive kanë bërë thirrje që sa më shpejtë të nisin punimet dhe investimet në infrastrukturë. Kryetari i Federatës Atletike të Kosovës, Halil Sylejmani ka thënë për KosovaPress, se në rast të mos përgatitjes së duhur për këtë ngjarje, Kosova do ta përjetonte dështimin e shekullit.

Kurse Sekretari i Federatës së Volejbollit të Kosovës, Valon Nikqi, thotë se nuk kanë asnjë informacion rreth investimeve dhe se në teren nuk ka edhe më tutje asnjë lëvizje konkrete në këtë drejtim.

Ndërsa, drejtori i ekipeve kombëtare të hendbollit, Muhamet Arifi, ka thënë tashmë është koha e duhur për të nisur me ndërtimin e palestrave të reja sportive.

E njëjta thirrje vjen edhe nga Komiteti Olimpik i Kosovës. Zëdhënësi Kushtrim Krasniqi në një përgjigje me shkrim për KosovaPress, ka thënë se marrë parasysh volumin e punëve që duhen kryer, 2030-ta do vijë shumë shpejtë.

Ligji për Lojërat Mesdhetare edhe me tutje nuk është miratuar në Kuvendin e Kosovës, derisa miratimi i tij do të hapte rrugë fillimit të punimeve në infrastrukturën e re sportive./A.Bytyçi/

Lajmi i plotë në sistemin me parapagim...