Ish-presidenti serb Boris Tadiq njoftoi sot se bashkëbiseduesit e tij në Konferencën e Sigurisë së Munihut e informuan atë se përfaqësuesit e delegacionit serb po "u dërgonin informacione politikanëve perëndimorë se shërbimet dhe interesat ruse qëndrojnë pas protestave të studentëve në Serbi".
“Ky nuk është vetëm një nivel i ri i sulmeve ndaj studentëve, por edhe krejtësisht në kundërshtim me propagandën që po bëhet në Serbi se po bëhet një revolucion me ngjyra, duke qenë se revolucionet me ngjyra zakonisht nisen nga Perëndimi”, ka shkruar Tadiq në X.
Ai deklaroi se është absurde që qeveria të pretendojë në të njëjtën kohë se po ndodh një revolucion me ngjyra dhe se Rusia qëndron pas protestave.
Sipas tij, kjo është veçanërisht absurde duke pasur parasysh se qeveria e Partisë Progresive nënshkroi një marrëveshje për statusin e vëzhguesit të Serbisë në aleancën ruse të mbrojtjes CSTO dhe formoi një grup pune me Rusinë për të luftuar pikërisht kundër revolucioneve me ngjyra.
