Davide Ancelotti ka folur hapur për të ardhmen e tij si trajner, duke pranuar se do të ishte i gatshëm të merrte drejtimin e Milanit nëse do t’i jepej mundësia. Djali i trajnerit të njohur Carlo Ancelotti deklaroi se ndihet i përgatitur për një sfidë të tillë, duke shtuar se puna pranë babait të tij në nivelet më të larta të futbollit e ka ndihmuar të fitojë përvojën e nevojshme.

Në intervistën e tij, Davide zbuloi edhe një prapaskenë interesante lidhur me Luka Modricin. Ai tha se mesfushori kroat e kishte telefonuar më herët, duke treguar raportin e afërt që kanë ndërtuar gjatë kohës te Real Madridi. Sipas tij, Modric mbetet një nga futbollistët më inteligjentë dhe profesionistët më të mëdhenj me të cilët ka punuar.

KosovaPress