KB Sigal Prishtina do të mbajë sot një konferencë të jashtëzakonshme për media, duke filluar nga ora 13:30, në zyrat e klubit.

Sipas njoftimit zyrtar, përfaqësuesit e mediave janë ftuar të marrin pjesë për t’u informuar lidhur me zhvillimet e fundit në klub, si dhe për të ndjekur deklaratat zyrtare që do të jepen nga drejtuesit e KB Sigal Prishtinës.

Klubi po kalon një fazë të vështirë, pas shkarkimit të Blerand Stavilevcit për shkak të tensioneve të brendshme dhe pakënaqësive sportive e organizative. Më pas, në krye të klubit u emërua deputeti Bekë Berisha, i cili u largua nga kjo pozitë pasi nuk kishte të drejtë ligjore të mbante njëkohësisht dy funksione publike, atë të deputetit të Kuvendit të Kosovës dhe drejtuesit të klubit.

Detaje shtesë pritet të bëhen të ditura gjatë konferencës.

KosovaPress