Kandidatja për deputete nga radhët e AAK-së Diellza Kukaj me numër 12 ka vizituar Stone Castle, një histori suksesi në industrinë e verërave, e ndërtuar me përkushtim dhe vizion për të sjellë produktet e Kosovës në tregun ndërkombëtar.

Me një traditë të gjatë dhe investime të vazhdueshme në cilësi, Stone Castle jo vetëm që ka konsoliduar pozitën e saj në rajon, por ka depërtuar edhe në tregjet më të mëdha botërore, duke dëshmuar se prodhimi vendor ka potencial të jashtëzakonshëm, ka shkruar Kukaj në një postim në Facebook.

“Ne kemi nevojë për politika që fuqizojnë prodhuesit tanë, krijojnë lehtësira për eksport dhe nxisin investimet në sektorin e agrobiznesit. Vetëm kështu do ta bëjmë Kosovën një emër të njohur në botë për cilësinë dhe përkushtimin e prodhuesve të saj”, ka thënë Kukaj.