Kandidatja nga radhët e Aleancës për deputete, Diellza Kukaj, ka thënë se me votën për këtë subjekt politik, qytetari zgjedh sigurinë e familjes dhe zhvillimin e biznesit e sipërmarrjes së Kosovë.

Këto deklarata Kukaj i bëri me rastin e hapjes së fushatës zgjedhore në Deçan, duke e cilësuar këtë rrugëtim si një angazhim për ndryshim, zhvillim dhe siguri për qytetarët e Kosovës.

Në takimin me qytetarë, ajo përmes një njoftimi në Facebook, ajo ka bërë të ditur se ka theksuar se mbështetja e qytetarëve në Deçan është dëshmi e besimit për ndryshim dhe për një të ardhme më të mirë, duke shtuar se Aleanca mbetet “shtëpi e madhe me rrënjë të forta”.

“Me Aleancën sot votojmë për sigurinë e familjes, për energjinë, për mundësinë e zhvillimit të biznesit e sipërmarrjes në Kosovë dhe për zhvillimin e jetës, që rinia dhe populli i Kosovës ta duan jetën në këtë vend”, deklaroi ajo.

Ajo falënderoi qytetarët për përkrahjen dhe kërkoi mbështetje për kandidatët e Aleancës në zgjedhjet e 7 qershorit:

Ardian Gjini – nr. 1

Ramush Haradinaj – nr. 11

Diellza Kukaj – nr. 9

/Kosovapress/