Komisioni hetimor parlamentar në lidhje me procedurat për furnizimin dhe menaxhimin me rezervat shtetërore, nuk është konstituar as pas tentativës së tretë shkaku i mungesës së deputetëve të partisë në pushtet, Lëvizjes Vetëvendosje.

Kryesuesi në këtë komision, Rashit Qalaj ka përsëritur sërish nevojën për konstituimin e këtij komisioni.

Edhe deputeti nga radhët e AAK-së, Pal Lekaj ka akuzuar partinë në pushtet për pengesën që po e bënë për të konsitituar këtë komision.

Deputetja nga radhët e LDK-së, Valentina Rexhepi-Bunjaku tha se veprimet e pozitës në këtë rast janë të papranueshme.

Sipas saj, partia në pushtet, Lëvizja Vetëvendosje ka humbur interesimin që e kishte sa ishte në opozitë që t’i qojë hajnat në burg.

Mes tjerash, Bunjaku tha se e vetmja derë është bashkëpunimi me media në këtë drejtim.

Ndërkaq, deputetja tjetër nga radhët e LDK-së, Doarsa Kica ka propozuar që mbledhja e radhës të mbahet të premten, ndërsa sot t’i dërgohet ftesa.

Me këtë u pajtua edhe kryesuesi i këtij komisioni, Qalaj.

Kujtojmë se, gjatë javës së kaluar ka pasur dy tentativa për konstituimin e këtij komisioni, i cili pritet të hetojë keqpërdorimet e pretenduara me rezervat shtetërorë në ministrinë e drejtuar nga Rozeta Hajdari. /E. Krasniqi/

Lajmi i plotë në sistemin me parapagim.