Dështimet e mbajtjes së mbledhjeve të Komisionit hetimor, Muja: Deputetë nga opozita mungojnë shpesh
Lexohet për: 2 min.
4 muaj më parë
Linku u kopjua
Deputetët e partisë në pushtet kritikuan ata opozitarë për neglizhencë dhe mospjesëmarrje të rregullt në Komisionin Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024. Sipas tyre, me fajin e pozitës do të vonohet draftimi i raportit për këtë komision.
Në një konferencë për media, anëtari i këtij komisioni nga lëvizja Vetëvendosje, Armend Muja tha se i kanë tërhequr vërejtjen kryetarit Shemsedin Dreshaj për neglizhencë në ecjen përpara të procesit.
Ai tha se anulimi i mbledhjeve të fundit nga Dreshaj, ishin bërë me qëllim që t’i pamundësohen intervistomi i dëshmitarëve gjatë fazës ë hetimeve, të cilët ishin të propozuar nga pozita.
Deputeti Muja ka kritikuar deputetët nga pozita për mospjesëmarrje në mbledhjet e mbajtura. Ai tha se zëvendëskryesuesi i këtij komisioni, Adrian Kastrati ka marrë pjesë vetëm 7 herë nga 18 mbledhje të mbajtura.
Ndër të tjera, Muja potencoi se deputetë e pozitës kanë marrë pjesë në 80 për qind të mbledhjeve.
Ndërkaq, anëtarja e komisionit nga LVV-ja, Arjeta Fazliu tha se në shkresën e dërguar përmes emalit nga kryesuesi Dreshaj drejtuar anëtarëve të komisionit, evidentohen tri pasaktësi.
Derisa citoi Dreshajn derisa përmendi arsyet pse ky i fundit kishte vendosur që komisioni hetimor të vazhdoj mbledhjet nga shtatori i këtij viti, ajo potencoi se ato arsyetime nuk qëndrojnë.
Të martën ka dështuar të mbahet mbledhja e Komisionit hetimor për tekstet shkollore për shkak të mungesës së kuorumit. Edhe të martën munguan deputetët opozitarë, përfshirë kryesuesin e komisionit, deputetin Shemsedin Dreshaj dhe zëvendëskryesuesin, deputetin Ardian Kastrati. Për këta dy të fundit, deputetë të pushtetit thanë se kanë bërë referim te seanca plenare për mospërmbushje të detyrave parlamentare.
