Muja akuzon opozitarët për sabotim të punës në Komisionin hetimor për tekstet shkollore
Lajme
Lexohet për: 2 min.
2 muaj më parë
Linku u kopjua
Ka dështuar të mbahet mbledhja e Komisionit hetimor për tekstet shkollore për shkak të mungesës së kuorumit. Edhe të martën munguan deputetët opozitarë, përfshirë kryesuesin e komisionit, deputetin Shemsedin Dreshaj dhe zëvendëskryesuesin, deputetin Ardian Kastrati. Për këta dy të fundit, deputetë të pushtetit thanë se kanë bërë referim te seanca plenare për mospërmbushje të detyrave parlamentare.
Anëtari i komisionit, deputeti i LVV-së, Armend Muja, akuzoi deputetët opozitarë dhe kryesuesin për sabotim të punës së komisionit hetimor.
Sipas tij, deputetët e pushtetit kanë treguar përkushtim për përfundimin e hetimit për tekstet shkollore, në mënyrë siç tha mos të bëhen pengesë për nazet e opozitës për të propozuar komisione hetimore vend e pa vend.
Ndër pikat e rendit të ditës së komisionit hetimor sot ka qenë sekretarja e përgjithshme e MASHT-it, Fadile Dyla, ushtruesi i detyrës së drejtorit të departamentit të arsimit parauniversitar, Avni Rexha dhe Drita Kadriu, drejtoreshë e arsimit në Mitrovicën e Jugut.
Pavarësisht mungesës së kryesuesit dhe zëvendëskryesuesit, Komisioni hetimor për tekstet shkollore dje zhvilluar nën kryesimin e deputetes Arjet Fejza, për që e njëjta u konsiderua jo ligjore dhe në kundërshtim me Rregulloren e Kuvendit nga opozitarët.