“Derby della Madonnina”, formacionet e mundshme të Milanit dhe Interit
Sonte me fillim nga ora 18:00, tifozët e futbollit italian në veçanti ata të Milanit dhe Interit, do të jenë në emocione të mëdha.
“San Siro” do të jetë sonte nikoqirë i “Derby della Madonnina”, ku kampioni i Serie A, AC Milan në rolin e vendasit pret në shtëpi rivalin e përbetuar, Interin, përcjell KosovaPress.
Në xhiron e fundit të zhvilluar, Milani barazoi pa gola me Sassuolon, kurse Interi e mposhti me rezultat 3:1 skuadrën e Cremoneses.
Momentalisht, pas katër xhirove të zhvilluara, Milani zë vendin e gjashtë në tabelë me tetë pikë, krahas Interit që renditet i treti në tabelë me nëntë pikë.
Sa i përket ndeshjes së sotme, të dy trajnerët do të kenë probleme me mungesa të lojtarëve, ku Stefano Pioli nuk do të mund të llogarisë në Ibrahimovic, kurse për Inzaghin do të mungojnë Dalbert dhe Lukaku.
Formacionet e mundshme të dy skuadrave i gjeni më poshtë.
AC Milan (4-2-3-1): Maignan; Calabria, Kalulu, Tomori, Hernandez; Bennacer, Tonali; Messias, De Ketelaere, Leao; Giroud
Inter (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Dimarco; Martinez, Dzeko
18:00 AC Milan – Inter (Stadiumi San Siro)
