Sot në orën 17:30, stadiumi "Etihad" do të jetë qendra e botës së futbollit, ku kampionët në fuqi të Manchester City do të përballen me liderët aktualë të Arsenalit në një sfidë që mund të përcaktojë fatin e titullit kampion për këtë sezon.

Me "Gunners" që gëzojnë një avantazh prej gjashtë pikësh në krye të tabelës, kjo përballje konsiderohet si një finale e parakohshme; një fitore e Cityt do të rihapte plotësisht garën, ndërsa një sukses i mundshëm i djemve të Mikel Artetës do t'i dërgonte ata drejt një shkëputjeje ndoshta të pakthyeshme.

Atmosfera pritet të jetë elektrizuese, me dy skuadrat që kanë zbritur në fushë me formacionet më të mira të mundshme për të kërkuar lavdinë në këtë xhiro të 33-të.

Formacionet zyrtare:

Manchester City (4-2-3-1): Donnarumma; O'Reilly, Guehi, Khusanov, Nunes; Rodri, Silva; Doku, Cherki, Semenyo; Haaland.

Arsenal (4-3-3): Raya; Mosquera, Saliba, Gabriel, Hincapie; Odegaard, Zubimendi, Rice; Madueke, Havertz, Eze.

KosovaPress