Profesori universitar për çështje juridike, Mazllum Baraliu  thotë se nuk ka ndonjë afat se kur Komisioni Qendror i Zgjedhjeve duhet t’i certifikojë rezultatet.

Por, shton se kjo varet edhe nga numërimi, rinumërimi dhe ankesat e kandidatëve për deputetë.

E Vullnet Bugaqku nga Instituti Demokratike i Kosovës (KDI), konsideron se Komisioni Qendror i Zgjedhjeve pritet deri në fillim të muajit mars t’i certifikojë rezultatet e zgjedhjeve të përgjithshme.

E po të mos ishin telashet teknike me sistem, thotë se KQZ edhe më herët do të mund t’i certifikonte këto rezultate.

Monitoruesi i proceseve zgjedhore tregon se në vitin 2019 KQZ-së i janë dashur mbi 50 ditë për certifikim të rezultateve, derisa kohë më pak i është dashur në vitin 2021.

Lajmi i plotë në sistemin me parapagim...

Procesi i numërimit pas ditës së zgjedhjeve të 9 shkurtit nisi me dy ditë vonesë për shkak të telasheve teknike.

Nga dje Komisioni Qendror i Zgjedhjeve ka nisur edhe publikimin e rezultateve për kandidatët për deputetë në platformën e tyre.

Sipas rezultateve aktuale, në këto zgjedhje parlamentare partia fituese është Lëvizja Vetëvendosje me 40.89 %, pas saj renditet Partia Demokratike e Kosovës me 22.40 %, pasuar nga Lidhja Demokratike të Kosovës me 17.23 %. Koalicioni AAK-NISMA ka marr 7.40 % të votave, ndërsa Lista Serbe 4.81 %./B.Ibishi/