Ministri i Kulturës, Rinisë dhe Sportit, Hajrulla Çeku ka reaguar pasi ndërtesa e Muzeut të Muzikës në Gjakovë është përfshirë nga zjarri të mërkurën. Ai ka thënë se përgjegjësit duhet të marrin dënimin e merituar ndërsa ka theksuar se ndërtesa do të restaurohet.

Çeku ka shkruar se pas restaurimit, ministria do t’i marrë të gjitha masat për funksionalizimin e muzeut.

“Jemi thellësisht të prekur nga krimi i mbrëmshëm ndaj trashëgimisë kulturore të Gjakovës. Të gjithë përgjegjësit duhet të marrin dënimin e merituar.  Ndërtesa e Muzeut të Muzikës, aseti Taphanja në Gjakovë do të restaurohet dhe do të kthehet në gjendjen origjinale. Pas restaurimit, si ministri do t'i marrim të gjitha masat për funksionalizimin e muzeut”, ka shkruar ai.

Të mërkurën pasdite është raportuar se ndërtesa e Muzeut të Muzikës në Gjakovë është përfshirë nga zjarret, derisa nuk janë bërë të ditura shkaqet.

Policia ka njoftuar se nuk ka persona të lënduar ndërsa nga Komuna e Gjakovës kanë deklaruar se nuk ka pasur artefakte brenda.

https://kosovapress.com/admin/perfshihet-nga-zjarri-muzeu-i-muzikes-ne-gjakove/

https://kosovapress.com/admin/policia-thote-se-nuk-ka-te-lenduar-nga-zjarri-ne-gjakove/

https://kosovapress.com/admin/komuna-e-gjakoves-ne-objektin-e-djegur-nuk-ishte-asnje-artefakt-i-muzeut-te-muzikes/