Casemiro ka rikthyer Brazilin në lojë me një gol me kokë nga afërsia në minutën e 56-të, duke barazuar rezultatin pas një aksioni të mirë nga krahu dhe një krosimi që kaloi mbrojtjen japoneze.

Mesfushori nuk gaboi nga pozita ideale, duke e dërguar topin në rrjetë dhe duke vendosur rezultatin në 1:1.

Para dhe pas golit, Brazili shtoi presionin dhe krijoi disa raste të rrezikshme, me goditje brenda zonës dhe krosime të shumta, por portieri japonez Zion Suzuki u tregua vendimtar me disa pritje të rëndësishme. Nga ana tjetër, mbrojtja e Japonisë reagoi mirë në disa momente kyçe, duke bllokuar tentativa të afërta dhe duke mbajtur rezultatin të hapur.

KosovaPress