Një zhvillim i ri i madh ka dalë në pah në dramën e finales së Kupës së Afrikës, pasi një arbitër i Konfederatës Afrikane të Futbollit (CAS) ka deklaruar se vendimi përfundimtar mund të shkojë në favor të Senegal.

Sipas raportimit të ESPN, arbitri i CAS, Raymond Hack, beson se gjykata ka gjasa të vendosë në anën e Senegalit, i cili ka apeluar vendimin e CAF për t’i hequr titullin kontinental. 

Ky zhvillim vjen pasi CAF vendosi që Senegali kishte humbur ndeshjen në tavolinë 3-0 për shkak të largimit të përkohshëm nga fusha gjatë finales kundër Marokut, pavarësisht se e kishte fituar atë 1-0 pas kohës shtesë. 

Vendimi shkaktoi reagim të ashpër në Dakar, me federatën senegaleze që e cilësoi atë si “të padrejtë dhe të papranueshëm”, ndërsa konfirmoi apelimin në CAS. 

Tani, deklarata e Hack rrit ndjeshëm shpresat e Senegalit për ta rikthyer titullin, duke hapur mundësinë për një përmbysje tjetër dramatike në një nga rastet më të diskutueshme në historinë e futbollit afrikan.

Vendimi final i CAS pritet të jetë vendimtar për fatin e trofeut në futbollin afrikan.

KosovaPress