Ish-trajneri i Juventusit, Fabio Capello, paralajmëroi “Zonjën e Vjetër” për Lazion dhe trajnerin e ri, Igor Tudor.

Juventusi dhe Lazio përballen në “Stadio Olimpico” të shtunën, në debutimin e Tudorit në krye të Lazios, raporton KosovaPress.

“Duhet të jem i sinqertë. Tudor nuk luajti shumë kur isha trajner i tij, por i kam vlerësuar fjalët e tij të para si trajner i Lazios. Ai duket se i ka idetë e qarta”, tha 77-vjeçari për “Gazzetta”.

“Kam dëgjuar se ai dëshiron të kalojë në një mbrojtje me tre lojtarë, por kjo kërkon kohë. Megjithatë, ai pranoi gjithashtu se objektivi kryesor është të arrijmë rezultate dhe pastaj do të vijë pjesa tjetër. Do të jetë një lojë e vështirë dhe e rëndësishme për të dy trajnerët. Tudor duhet të ketë një fillim të fortë, por edhe Massimiliano Allegri ka nevojë për pikë, përndryshe, kualifikimi në Ligën e Kampionëve do të ishte në rrezik sepse klubet më poshtë po ecin me shpejtësi”, shtoi më tej Capello.