Policia e Kosovës ka vazhduar aktivitetet në teren me qëllim të zbatimit të urdhrit operativ, për të ofruar siguri në trafik dhe për të ndëshkuar ata që nuk përfillin rregullat.

Gjatë zbatimit të detyrave, policia e trafikut dhe ajo e rendit publik, gjatë 24 orëve të shkuara në rajonin e Prishtinës ka realizuar 158 pika kontrolli për vetura, në rajonin e Gjilanit 68, Ferizaj 82, Prizren 43, Gjakovë 44, Pejë 56, Mitrovicën e Jugut 63 dhe rajonin e Mitrovicë Veri 20.

Policia e Kosovës serish u bënë thirrje pjesëmarrësve në trafik që t’i zbatojnë rregullat dhe shenjat, në mënyrë që të ketë sa më pak aksidente e në veçanti të ruhet shëndeti e jeta e qytetarëve.