Ish-zëvendësministri i Drejtësisë, Blerim Sallahu, përmes një postimi në Facebook ka shkruar se i është bashkuar kabinetit të kryeministrit të Republikës së Kosovës, Albin Kurtit në cilësinë e këshilltarit ligjor.

“Pas përvojës sime institucionale si zëvendësministër i Drejtësisë dhe më pas si ushtrues detyre i Ministrit të Drejtësisë, e shoh këtë angazhim si vazhdim të përkushtimit tim për të kontribuar në forcimin e shtetit të së drejtës dhe institucioneve të Republikës së Kosovës. Mirënjohës për besimin dhe i vendosur të vazhdoj të jap kontributin tim me përgjegjësi dhe profesionalizëm në shërbim të Republikës sonë”, shkroi ai.