Bitcoin u rikuperua me 0.7% të mërkurën, por mbetet në një pikë kritike pas një rënieje prej 9.5% që nga e diela.

Kriptomonedha më e madhe në botë u tregtua me rreth 67,000 dollarë, duke qëndruar në mes të një intervali që ka dominuar tregun mes shkurtit dhe prillit, pas dështimit për të kaluar mbi 81,000 dollarë muajin e kaluar, përcjell KosovaPress.

Nëse Bitcoin bie nën 60,000 dollarë, kjo mund të shkaktojë një valë likuidimesh dhe një rënie të mëtejshme deri në rreth 54,000 dollarë, një nivel mbështetjeje i regjistruar si në vitin 2024 ashtu edhe në 2021.

Ndërkohë, Ether (ETH) tregtohet rreth 1,870 dollarëve, duke u rritur për 0.9% që nga mesnata UTC, por kjo rritje vjen pas një rënieje të fortë që e çoi në nivelin më të ulët që nga shkurti.

Tregu amerikan i aksioneve u rrit sërish në nivele rekord të martën, sipas CoinDesk. Ky dallim mes tregjeve ka nisur të shqetësojë disa investitorë në kripto, pasi historikisht kriptot dhe aksionet kanë lëvizur në të njëjtin drejtim.

Ndërkohë, token-ët e inteligjencës artificiale vazhduan të performojnë më mirë se tregu i përgjithshëm. NEAR, RENDER dhe FET u rritën për rreth 9% të mërkurën, pas rënies së përgjithshme të tregut të martën.