Zëvendëskryeministri i Kosovës Besnik Bislimi ka reaguar ndaj deklarimeve të presidentit të Serbisë Aleksandar Vuçiq për modelet autonome evropiane, duke thënë se ai duhet të ofrojë një model të tillë për shqiptarët në tri komunat në jug.

“Vuçiq vlerëson modele të ndryshme të autonomive evropiane. Ai duhet të udhëheqë me shembull duke u ofruar një model të tillë shqiptarëve të tri komunave në jug”, ka shkruar Bislimi në X.

Ai ka përkujtuar se në Serbi ka më shumë shqiptarë sesa serbë në Kosovë.

Së fundi, Berliner Zeitung shkruan për fjalimin e Vuçiq javën e kaluar në Cyrih, se si publiku në sallë ka mbetur i shtangur në disa raste, e dy herë i hutuar.

Duke folur për Ballkanin, Vuçiq vlerësoi se “konflikti mund të ishte i qetë nëse rajoni pranohej plotësisht në BE”, shkruan Berliner Zeitung dhe thekson se presidenti i Serbisë përmendi Tirolin e Jugut, Alsasën “si shembuj të suksesshëm nga kohët e fundit.”