Kandidati për deputet nga radhët e PDK-së në zgjedhjet e 7 qershorit, Artan Behrami ka deklaruar  se gjatë procesit të numërimit të votave ka pranuar shumë ankesa nga numëruesit për zarfe të hapura, zarfe të dyshimtë dhe dyshime për manipulim të votave të diasporës.

Ai i ka bërë thirrje Prokurorisë që të hetojë dyshimet mbi votat e diasporës, ndërsa ka shtuar se hetim të plotë dhe gjithëpërfshirës duhet të ketë për çdo mundësi të keqpërdorimit apo manipulimit të votave të diasporës.

“Integriteti i procesit zgjedhor duhet të mbrohet dhe çdo dyshim duhet të sqarohet përmes një hetimi transparent”, ka shkruar ai në Facebook.