BE ndalon katër media ruse
Bashkimi Evropian ndaloi sot katër media të tjera ruse të transmetojnë në bllokun 27-vendesh për përhapje të propagandës për pushtimin e Ukrainës dhe dezinformim.
Grupi i fundit i transmetuesve përbëhet nga Voice of Europe, RIA Novosti, Izvestia dhe Rossiyskaya Gazeta, të cilat BE pretendon se janë të gjitha nën kontrollin e Kremlinit. BE tha në një deklaratë se të katër mediat po synojnë veçanërisht partitë politike evropiane, veçanërisht gjatë periudhave zgjedhore.
Belgjika muajin e kaluar hapi një hetim për ndërhyrjen e dyshuar ruse në zgjedhjet mbarë evropiane të qershorit, duke thënë se shërbimi i inteligjencës së vendit të saj ka konfirmuar ekzistencën e një rrjeti që përpiqet të minojë mbështetjen për Ukrainën.
Çekia ka vendosur sanksione ndaj një numri njerëzish pasi një operacion i ndikimit pro-rus u zbulua. Ata dyshohet se u janë drejtuar anëtarëve të Parlamentit Evropian dhe u kanë ofruar para për të promovuar propagandën ruse.
Qe nga fillimi i luftës në shkurt 2022, BE ka pezulluar Russia Today dhe Sputnik, mes disa mediave të tjera.
