Zëdhënësi i Bashkimit Evropian, Peter Stano, e ka kujtuar sulmin terrorist në Banjskë në njëvjetorin e kësaj ngjarjeje në veri të Kosovë.

Stano ka përsëritur thirrjen e Bashkimit Evropian për ndjekje penale të personave përgjegjës për këtë sulm, dhe siç thuhet është e përkushtuar për drejtësi.  

“Kosovë: 1 vit pas sulmit në Banjskë BE-ja përsërit thirrjen për ndjekje të shpejtë të atyre që janë përgjegjës dhe rikonfirmon përkushtimin e saj për drejtësi dhe përgjegjësi. Është një kujtesë e nevojës për përpjekje të vazhdueshme për ruajtjen e sigurisë dhe avancimin me normalizimin e marrëdhënieve ndërmjet Kosovës dhe Serbisë”, ka shkruar Stano në X.

Në padinë e ngritur ndaj 45 serbëve të grupit terroristë, të siguruar nga KosovaPress, dëshmitari i mbrojtur thotë se më datë 24.09.2023 rreth orës 09:00 të mëngjesit, ka ecur kodrave të kufirit ndërmjet Serbisë dhe Kosovës dhe rreth orës 10:00, kishte shkuar në Rogozna, që është 500 metra deri në 1 km larg me kufirin e Kosovës.

https://kosovapress.com/detaje-nga-padia-cka-ndodhi-me-terroristet-qe-iken-nga-banjska-ne-serbi