Batatina:Objektivi im është titulli kampion me Llapin
Sport
Lexohet për: 2 min.
Dëgjoje me zë...
Batatina:Objektivi im është titulli kampion me Llapin
Trajneri i Llapit, Tahir Batatina, ka deklaruar se synimi i tij kryesor mbetet fitimi i titullit të kampionit në futbollin kosovar, duke theksuar se për këtë objektiv do të angazhohet maksimalisht gjatë drejtimit të skuadrës së Podujevës.
Në një prononcim për emisionin SportCast, Batatina u shpreh se pas viteve të punës dhe investimeve në klub, dëshiron të lërë gjurmë historike me Llapin.
“Kam disa parime, disa synime dhe disa objektiva që dëshiroj t’i arrij. Një prej tyre është që Llapit, pas gjithë këtyre investimeve dhe këtij organizimi, pas gjithë këtij mundi që e kam bërë për 13 vite rresht, t’i sjell diçka që dua të më mbetet në histori: titullin e kampionit. Dhe për këtë do të luftoj. A do t’ia arrij apo jo, kjo është diçka që nuk varet vetëm nga unë, por unë do të mundohem ta bëj maksimalisht punën time për të sjellë një gjë të tillë dhe pse jo, Llapi të dalë kampion gjatë menaxhimit tim”, ka thënë Batatina.
Megjithatë, Llapi kishte rrezikuar rënien nga Superliga e Kosovës, por e siguroi mbijetesën pas ndeshjes se barazhit.
KosovaPress
