Banka Botërore në raportin për Kosovën konstaton se gjatë vitit 2022, popullsia në moshë pune u tkurr shkaku i migrimit.

Gjetjet e raportit për peizazhin ekonomik dhe social të Kosovës paraqesin një pasqyrë të papunësinë, vështirësitë e biznesve dhe migracionin të theksuara si probleme kryesore.

Sipas raportit, dinamizmi i kufizuar i fortë dhe qasja në financa pengojnë zhvillimin e sektorit privat dhe krijimin e vendeve të punës.

Gjithashtu në këtë raport potencohet se pavarësisht progresit të qëndrueshëm ekonomik që nga pavarësia, mbetet një hendek i madh në të ardhura ndërmjet Kosovës dhe një shteti mesatar anëtar të Bashkimit Evropian.

Raporti i BB-së përmend se Bruto Produkti Vendor për gjysmën e parë të vitit 2023 arriti 2.9 për qind.

Sipas Bankës Botërore, formalizimi i tregut të punës është në rritje të vazhdueshme, e dukshme në rritjen prej 2.3 për qind në punësimin formal midis korrikut 2022 dhe korrikut 2023.

Po ashtu numri i punëkërkuesve të regjistruar u ul me 53 për qind midis korrikut 2022 dhe 2023.

Në raport thuhet po ashtu se borxhi publik dhe i garantuar publikisht (PPG) u ul në 17.3 për qind në muajin qershor 2023, nga afër 20 për qind në 2022.

Pavarësisht presioneve të vazhdueshme inflacioniste, rritja e PBB-së pritet të arrijë në 3.2 për qind në vitin 2023, e nxitur nga ecuria pozitive e eksporteve dhe konsumi privat.

Lajmi i plotë në sistemin me parapagim.