Në ndeshjen kryesore të xhiros së 24-të të Superligës së Kosovës, FC Ballkani ka realizuar një fitore bindëse ndaj rivalit direkt, Dritës, me rezultat të pastër 3-0.

Skuadra nga Suhareka e nisi ndeshjen në mënyrë fantastike, duke kaluar në epërsi që në minutën e 1-rë me anë të Tolajt. Dominimi vazhdoi në pjesën e parë kur Potoku dyfishoi shifrat në minutën e 35-të, ndërsa vula e fitores erdhi nga Kryeziu në minutën e 75-të të takimit.

Ndonëse të dyja skuadrat kanë pikë të barabarta, fitorja në ndeshje direkte dhe forma e treguar sot e pozicionon Ballkanin si favoritin kryesor për titull.