Kampioni i Kosovës në futboll, Ballkani, do të ballafaqohet sot me BATE Borisovin, në sfidën e parë të “PlayOff-it” të Ligës së Konferencës.

Skuadra e Ilir Dajës synon që për herë të dy radhazi të inkuadrohet në fazën e grupeve të kësaj gare, por për ta bërë këtë duhet ta eliminojë skuadrën nga Bjellorusia, e cila ka përvojë të madhe në garat ndërkombëtare, raporton KosovaPress.

Për këtë sfidë, portokallinjtë do të luajnë pa dyshen e rëndësishme, Qëndrim Zyba dhe Lindon Emërllahu.

Ndeshja do të zhvillohet në stadiumin “Fadil Vokrri” me fillim nga ora 20:45, ndërsa të dy trajnerët kanë vendosur për formacionet zyrtare, dhe ato mund t’i gjeni më poshtë.