Astronautët e misionit Artemis II kanë përfunduar fluturimin rreth Hënës dhe janë nisur drejt Tokës, duke realizuar udhëtimin më të largët njerëzor në hapësirë deri më sot. Kapsula Orion arriti një distancë rekord prej mbi 406 mijë kilometrash nga Toka, duke tejkaluar rekordin e vendosur nga Apollo 13.

Gjatë fluturimit, katër astronautët – tre amerikanë dhe një kanadez – panë për herë të parë nga afër anën e largët të Hënës, përjetuan një eklips të plotë diellor dhe vëzhguan planetë si Merkuri, Venusi, Marsi dhe Saturni. Ata gjithashtu identifikuan vendet e uljes së misioneve Apollo 12 dhe Apollo 14, raporton AP, përcjell KosovaPress.

Misioni shënon rikthimin e NASA në eksplorimin njerëzor të Hënës pas më shumë se 50 vjetësh dhe hap rrugën për ulje të reja pranë polit jugor në vitet e ardhshme, si pjesë e programit Artemis.