Kur e ke njërin nga portierët më të mirë në botë, gjëja e fundit që duhet ta bësh është që ta shesësh atë, veçanërisht nëse ai është një fitues i Kupës së Botës.

E vërtetë, por jo e domosdoshme. Emiliano Martinez është në kulmin e karrierës së tij, dhe është njëri nga më të mirët te skuadra e Aston Villas, por pavarësisht kësaj, ai është afër largimit nga klubi, raporton KosovaPress.

Pronarët miliarderë të Aston Villas, Nassef Sawiris dhe Wes Edens, do të financojnë edhe një herë një merkato verore me shpenzime të shumta, ndërsa trajneri, Unai Emery përpiqet të ndërtojë një skuadër të aftë për të sfiduar vazhdimisht për një vend në garat evropiane.

Shpenzimet që pritën të bëhen gjatë verës, lënë të kuptohet se njëri nga yjet e skuadrës do të largohet, me Martinez që e ka pranuar se dëshiron që të luajë në Ligën e Kampionëve.