Agjencia e Statistikave të Kosovës (ASK) ka publikuar rezultatet e Anketës së Përdorimit të Teknologjisë Informative dhe Komunikimit (TIK) në Ekonomitë Familjare për vitin 2023.

Sipas rezultateve të anketës TIK në ekonomitë familjare përqindja e ekonomive familjare që kanë pasur qasje në internet gjatë vitit 2023 është rreth 98,6%. Ndërkohë që, 0,8% e ekonomive familjare kanë deklaruar se nuk kanë pasur qasje në internet gjatë vitit 2023.

Ekonomitë familjare në Kosovë që kanë pasur qasje në internet

Grup-moshat që kanë pasur qasje në internet

Grup-mosha me përqindjen më të lartë të qasjes në internet është grup mosha 16-24 vjeç me rreth 21,5%, pasuar nga grup-mosha 25-34 vjeç me 21,4%, ndërkohë  me përqindjen më të vogël të qasjes në internet është grup-mosha  65+ me rreth 7,9%.

Përdoruesit e internetit sipas gjinisë në %

Përdorimi i internetit nga femrat dominon me 51,7%, krahasuar me meshkujt me 48,3%.

Pajisjet e përdorura për t’u qasur në internet në %

Sipas Anketës TIK në Ekonomitë Familjare del se 94,8% e individëve kanë përdorur telefon mobil/telefona të mençur për t’u qasur në internet; 22,1% kanë përdorur laptop; 11,9% kanë përdorur kompjuter / desktop; dhe 9,7% kanë përdorur tablet. Ndërkohë që, 39,8% e individëve  kanë përdorur pajisje të tjera për të hyrë në internet.

Pajisjet për qasje në internet në %