Arsenali fiton me përmbysje spektakolare ndaj Bournemouthit, Chelsea rikthehet te fitorja
Arsenali ka bërë një hap tjetër të madh në luftën për titull të kampionit në Premier Ligë pasi ka triumfuar ndaj Bournemouthit me përmbysje të madhe nga 2-0 në 3-2 për të marrë pikët e plota në “Emirates”.
Goli i parë i mysafirëve erdh pas vetëm 60 sekondave kur Billing i befasoi vendasit me një gol rekord sa i përket shpejtësisë në Premier LIgë, kurse për 2-0 realizoi Senesi në minutën e 57’, transmeton KosovaPress.
Por, “Topçinjt” reaguan fuqishëm duke shënuar tre gola në vazhdim të ndeshjes, përkatësisht në minutat 62’ dhe 70’ dhe 90’ përmes Partey, Ëhite dhe Nelson.
Pas ndeshjeve të xhiros së 23-të, Arsenali mbetet lider i tabelës me 63 pikë, pesë më shumë se Manchester City i vendit të dytë.
Skuadra tjetër londineze, Chelsea është rikthyer në rrugën e fitoreve pasi e ka mposhtur skuadrën e Leeds United me rezultat minimal 1-0 në “Stamford Bridge”.
Golin e vetëm dhe të fitores për “Blutë” e Londrës e realizoi Wesley Fofana në minutën e 53’ pas asistimit nga Chilwell.
Me këtë fitore Chelsea shkon në kuotën e 34 pikëve dhe pozicionohet në vendin e 10-të.
