Arsenali i Artetës bërë ka goditjen e dytë të verës.

Pas portierit Illan Meslier që erdhi falas nga Leeds dhe Piero Hincapie nga Leverkusen, në Londër zbarkon Christos Tzolis.

Kush është Tzolis? sulmues i majtë, i njohur për shpejtësi dhe driblim.

24-vjeçari nga Selaniku, i lindur më 30 janar 2002, vjen nga Club Brugge për 34 milionë funte, që është rekord shitje në historinë e kampionatit belg.

Ka firmosur kontratë afatgjatë deri në 2031 dhe do të mbajë fanellën me numër 17, të njëjtën që e kanë mbajtur Petit, Monreal dhe Alexis Sanchez. 

Dhe shifrat shpjegojnë pse Arsenali e mori:

Sezoni 2025/26 ishte çmenduri: 22 gola dhe 29 asista në 52 ndeshje në të gjitha kompeticionet, teksa Brugge e fitoi titullin e 20-të në Belgjikë. Vetëm në kampionat: 17 gola dhe 23 asista. Në total me Brugge: 108 ndeshje, 43 gola dhe 45 asista. 

Për këtë u shpall edhe Lojtari i Sezonit në Belgjikë pasi e ndihmoi klubin të rifitonte Kupën në 2025 dhe titullin sivjet. 

Në kombëtare ka 34 ndeshje dhe 9 gola me Greqinë. 

Vetë Tzolis e pranoi se është fan i Arsenalit:

"E dua futbollin, i di gjithçka për Premier League, i di gjithçka për Arsenalin... Ishte 0-3 në stadiumin tonë. Ishte ekipi më i vështirë kundër të cilit kam luajtur deri tani."

Për stilin e tij tha: "Jam lojtar direkt, shkoj për gola ose asista. Kjo është këndvështrimi im si sulmues, si anësor. Jam gjithmonë i uritur për të shënuar ose për t'i dhënë pasimin final shokëve të ekipit. Dhe mund të them se punoj shumë për ekipin, edhe në pjesën mbrojtëse". 

Arsenali e mori si zëvendësues direkt i Leandro Trossard, i cili u shit te Besiktas për 17 milionë funte këtë muaj. Me Sakan në të djathtë dhe Tzolis në të majtë, Arteta tani ka dy anësorë që presin brenda dhe godasin. 

KosovaPress