Një vajzë 13-vjeçare nga Arizona, e cila kishte humbur pa gjurmë gati 32 vjet më parë, është gjetur e gjallë, ka bërë të ditur Zyra e Sherifit të Qarkut Gila të mërkurën, raporton NBC, përcjell KosovaPress.

Zhdukja e Christina Marie Plante nga Star Valley, një komunitet i vogël në një zonë malore në verilindje të Phoenix-it, në vitin 1994, kishte shkaktuar një kërkim të gjerë ku u përfshinë edhe vullnetarë, sipas autoriteteve.

Edhe pse rasti kishte mbetur i pazgjidhur për vite me radhë, ai nuk ishte mbyllur kurrë dhe është rishikuar periodikisht nga autoritetet. Më vonë, ai iu caktua një njësie për raste të vjetra (cold case) pas krijimit të saj.

Autoritetet thanë se, falë përparimeve në teknologji, metodave moderne hetimore dhe rishikimit të detajuar të dosjes, hetuesit arritën të sigurojnë pista të reja që çuan në një zbulim vendimtar.

Për respekt të privatësisë së saj, Zyra e Sherifit nuk ka dhënë detaje të tjera mbi rastin.

Kur ajo u zhduk më 16 maj 1994, ishte raportuar se ishte parë për herë të fundit duke shkuar në këmbë drejt një stalle ku mbahej kali i saj, sipas një njoftimi për person të zhdukur.

/Kosovapress/