Në prag të sezonit të dasmave dhe eventeve familjare, Lipjani po bëhet më i pasur me një hapësirë të re luksoze që synon të ndryshojë standardin e organizimit të festave.

“Ari Palace”, i konceptuar si një pallat mbretëror për evente, pritet të hapë dyert më 1 maj, duke sjellë një ambient modern dhe të veçantë për çdo lloj organizimi.

Me një sipërfaqe prej rreth 1000 metrash katrorë, “Ari Palace” është ndërtuar për të ofruar komoditet, elegancë dhe hapësirë të mjaftueshme për evente të mëdha si dasma, fejesa, mbrëmje festive apo organizime korporative.

Ajo që e bën këtë hapësirë edhe më të veçantë është dizajni modern dhe kombinimi i ambienteve të brendshme me ato të jashtme. Kompleksi përfshin gjithashtu pishinë dhe një zonë të dedikuar për koktele në ambient të hapur, duke krijuar një atmosferë unike për mysafirët dhe duke i dhënë eventeve një ndjesi luksi dhe relaksi.

“Ari Palace” që gjendet në dalje të Lipjanit, në magjistralen Prishtinë – Ferizaj, synon të jetë më shumë se një sallë dasmash, një destinacion ku eleganca, shërbimi dhe atmosfera bashkohen për të krijuar kujtime të paharrueshme. Me hapjen që pritet në fillim të majit, ky investim pritet të bëhet një nga hapësirat më të kërkuara për evente në rajonin e Lipjanit dhe më gjerë.

Andaj ju që i doni festat luksoze, mos keni më dilema – rezervoni në numrin 046 30 20 10.  

/Kosovapress/